കോളറ രോഗലക്ഷണങ്ങളോടെ തിരുവല്ലയിലെ സ്വകാര്യ മെഡിക്കല് കോളജ് ആശുപത്രിയില് ചികിത്സയില് കഴിഞ്ഞിരുന്നയാള് മരിച്ചു.
തലവടി സ്വദേശി പി.ജി.രഘുവാണ് മരിച്ചത്. ഡ്രൈവറായി ജോലി ചെയ്യുകയായിരുന്നു. എവിടെനിന്നാണ് രോഗം ബാധിച്ചതെന്ന് സ്ഥിരീകരിച്ചിട്ടില്ല. രഘുവിന്റെ രക്തപരിശോധനയില് കോളറ സാന്നിധ്യം കണ്ടെത്തിയിട്ടുണ്ട്. എന്നാല് രോഗം സ്ഥിരീകരിക്കാന് വിസര്ജ്യ പരിശോധനാഫലം കൂടി ലഭിക്കണം.
 |
| കേരളത്തിലെ നമ്പർ 1 Light Weight Jewellary | Jaico Jewellary | Edappally, Kothamangalam, Pothanicad, Thodupuzha | Contact 👉🏻 7025222285 |
കോളറ മുതിര്ന്നവരെയും കുട്ടികളെയും ബാധിക്കുന്നതാണ്. കഞ്ഞി വെള്ളത്തിന്റെ രൂപത്തില് വയറിളകി പോകുന്നതാണ് പ്രധാന ലക്ഷണം. കൂടുതല് തവണ വയറിളകി പോകുന്നതിനാല് വളരെ പെട്ടെന്ന് നിര്ജലീകരണം സംഭവിച്ച് ഗരുതരാവസ്ഥയില് ആകുവാനും മരണം വരെ സംഭവിക്കാനും സാധ്യതയുണ്ട്. ഇത്തരം കേസുകള് ശ്രദ്ധയില്പ്പെട്ടാല് മലം പരിശോധനയ്ക്ക് അയക്കേണ്ടതും നിര്ജലീകരണം ഇല്ല എന്ന് ഉറപ്പുവരുത്തേണ്ടതുമാണ്. ആന്റിബയോട്ടിക് ചികിത്സ എത്രയും വേഗം ആരംഭിക്കേണ്ടതാണ്. ഡോക്സിസൈക്ലിന്, അസിത്രോമൈസിന് എന്നിവ ഫലപ്രദമാണ്.
വയറിളക്കം പിടിപെട്ടാല് ആരംഭത്തില് തന്നെ പാനീയ ചികിത്സ തുടങ്ങുന്നത് വഴി രോഗം ഗരുതരമാകാതെ തടയാം. ഉപ്പിട്ട കഞ്ഞിവെള്ളം, കരിക്കിന്വെള്ളം, എന്നിവ ഇതിനായി ഉപയോഗിക്കാവുന്നതാണ്.വയറിളക്ക രോഗമുള്ളപ്പോള് ഒആര്എസിനൊപ്പം സിങ്ക് (Zinc) ഗളിക നല്കേണ്ടതാണ്. സംസ്ഥാനത്തെ എല്ലാ സര്ക്കാര് ആരോഗ്യ സ്ഥാപനങ്ങളിലും ഒആര്എസ്, സിങ്ക് ഗളിക എന്നിവ സൗജന്യമായി ലഭ്യമാണ്.
