.jpg)
അതിശക്തമായ കാറ്റിലും മഴയിലും കട ദേഹത്തേക്ക് മറിഞ്ഞുവീണ് 18കാരിക്ക് ദാരുണാന്ത്യം. ആലപ്പുഴ ബീച്ചിലാണ് ഉച്ചയ്ക്കാണ് അപകടം ഉണ്ടായത്. പള്ളാത്തുരുത്തി രതിഭവനില് നിത്യ(18)യാണ് മരിച്ചത്.
.jpeg)
കനത്ത മഴയ്ക്കൊപ്പം അതിശക്തമായ കാറ്റും ഉണ്ടായിരുന്നു. ഈ സമയം സുഹൃത്തുക്കൾക്കൊപ്പം ബീച്ചിലെത്തിയതായിരുന്നു പെണ്കുട്ടി. മഴയില്നിന്ന് രക്ഷപ്പെടാനായാണ് നിത്യയും സുഹൃത്ത് ആദര്ശും അരികിലുള്ള ബജിക്കടയുടെ അടുത്ത് പോയിനിന്നത്.
ശക്തമായ കാറ്റില് ബജിക്കട മറിഞ്ഞ് നിത്യയുടെയും ആദര്ശിന്റെയും ദേഹത്തേക്ക് വീഴുകയായിരുന്നു. ഉടനെ ഓടിയെത്തിയ നാട്ടുകാരാണ് രക്ഷാപ്രവര്ത്തനം നടത്തിയത്.
