indian railways: ഓണ്‍ലൈനായി ട്രെയിന്‍ ടിക്കറ്റ് ബുക്ക് ചെയ്യുന്ന സംവിധാനത്തില്‍ പുതിയ മാര്‍ഗനിര്‍ദേശം

 ഓണ്‍ലൈനായി ട്രെയിന്‍ ടിക്കറ്റ് ബുക്ക് ചെയ്യുന്ന സംവിധാനത്തില്‍ പുതിയ മാര്‍ഗനിര്‍ദേശം പുറപ്പെടുവിച്ച് ഇന്ത്യന്‍ റെയില്‍വെ. ഒരു തീവണ്ടിയിലേക്ക് ടിക്കറ്റ് റിസര്‍വേഷന്‍ തുറന്ന് ആദ്യ 15 മിനിറ്റ് സമയം ബുക്കിംഗ് ചെയ്യാനാകുക ആധാര്‍ ബന്ധിപ്പിച്ച അക്കൗണ്ട് ഉള്ളവര്‍ക്ക് മാത്രമായിരിക്കും. 2025 ഒക്ടോബര്‍ 1 മുതല്‍ ആധാര്‍ പരിശോധന പൂര്‍ത്തിയാക്കിയ യാത്രക്കാര്‍ക്ക് മാത്രമെ ഓണ്‍ലൈനായി ടിക്കറ്റ് ബുക്ക് ചെയ്യാന്‍ അനുമതിയുള്ളൂ. 

ഈ മാറ്റം ഐആര്‍സിടിസി വെബ്‌സൈറ്റിനും ഐആര്‍സിടിസി മൊബൈല്‍ ആപ്പിനും ബാധകമാണ്. താത്കാല്‍ ബുക്കിംഗുകള്‍ക്ക് ഈ സംവിധാനം ഇതിനോടകം തന്നെ നിലവിലുണ്ട്.ഒക്ടോബര്‍ ഒന്ന് മുതല്‍ ഇത് പൊതുവായുള്ള റിസര്‍വേഷനുകളിലേക്കും വ്യാപിപ്പിക്കും. ആദ്യം തുറക്കുന്ന ബുക്കിംഗ് വിന്‍ഡോയില്‍ യഥാര്‍ത്ഥ യാത്രക്കാര്‍ക്ക് മുന്‍ഗണന നല്‍കുക എന്നതാണ് ഈ നീക്കത്തിന് പിന്നിലെ പ്രധാന ലക്ഷ്യം.