Major Kodungoor Devi Temple: വർണ്ണപ്പകിട്ടോടെ പൂരം കലാഗ്രാമത്തിന് തുടക്കം.

 വാഴൂർ: മേജർ കൊടുങ്ങൂർ ദേവി ക്ഷേത്ര ഉത്സവത്തിനോടനുബന്ധിച്ച് കിഴക്കേ നടയിൽ സുനിൽ ഡാവിഞ്ചിയുടെ ഭവനത്തിന് മുൻവശത്തായി വരയുടെ ഉത്സവമായ പൂരം കലാഗ്രാമം ഒരുങ്ങി. നാലാം വർഷമാണ്  കലാഗ്രാമം ഒരുങ്ങുന്നത്. സുനിൽ ഡാവഞ്ചിയുടെ നേതൃത്വത്തിൽ ചിത്രകലാ സ്കൂൾ ഓഫ് ആർട്ട്സിലെ അൻപതിൽ പരം കുട്ടികൾ കാൻവാസിൽ വരച്ച ചിത്രങ്ങളാണ് പ്രദർശനത്തിനുള്ളത്. പ്രശസ്ത ചിത്രകാരനായ മോഹൻ മണിമല ഉദ്ഘാടനം ചെയ്തു.

 ഗ്രാമ പഞ്ചായത്ത് പ്രസിഡന്റ് പ്രഫ. പുഷ്കലാദേവി, മെമ്പർമാരായ വി എൻ മനോജ്, അമ്യത ജയകുമാർ , വ്യാപാരി വ്യവസായി ഏകോപന സമിതി കൊടുങ്ങൂർ യൂണിറ്റ് പ്രസിഡന്റ് അംബ ചന്ദ്രൻ തുടങ്ങിയവർ ആശംസകൾ അർപ്പിച്ചു.  വ്യക്ഷ വൈദ്യനും പരിസ്ഥിതി പ്രവർത്തകനും ആയ കെ.ബിനു അദ്ധ്യക്ഷത വഹിച്ചു. അരുന്ധതി മനോജ് സ്വാഗതം പറഞ്ഞു.