news updates: കർണാടക മുഖ്യമന്ത്രി സിദ്ധരാമയ്യ രാജിവെച്ചു, പുതിയ മുഖ്യമന്ത്രിയെ ഹൈക്കമാൻഡ് തീരുമാനിക്കും

 അഭ്യൂഹങ്ങൾക്കൊക്കെ വിരാമമിട്ടു കൊണ്ട് രാജി പ്രഖ്യാപിച്ച് കർണാടക മുഖ്യമന്ത്രി സിദ്ധരാമയ്യ. താൻ മുഖ്യമന്ത്രി സ്ഥാനത്ത് നിന്ന് രാജിവയ്ക്കുന്നതായി അദ്ദേഹം മന്ത്രിമാരെ അറിയിച്ചു. ലോക്ഭവനിൽ എത്തി രാജി സമർപ്പിച്ചു. പുതിയ മുഖ്യമന്ത്രിയെ ഹൈക്കമാൻഡ് തീരുമാനിക്കുമെന്നും അദ്ദേഹം വ്യക്തമാക്കി. ഡി.കെ ശിവകുമാറിനൊപ്പമാണ് അദ്ദേഹം ലോക്ഭവനിലെത്തിയത്.

ഇന്ന് രാവിലെ മറ്റ് മന്ത്രിമാരെ അദ്ദേഹം തന്റെ ഔദ്യോഗിക വസതിയായ കാവേരിയിൽ പ്രഭാതഭക്ഷണത്തിനായി ക്ഷണിച്ചിരുന്നു.‌ ഭക്ഷണം കഴിക്കുന്നതിനിടെയാണ് അദ്ദേഹം മന്ത്രിമാരെ രാജിക്കാര്യം അറിയിച്ചതെന്നാണ് വിവരം. ഡി കെ ശിവകുമാറിനെ മുഖ്യമന്ത്രി സ്ഥാനത്തേക്ക് പിന്തുണക്കണമെന്നും അദ്ദേഹം ആവശ്യപ്പെട്ടു.