news updates: പുതിയ സർക്കാരിൽ പ്രതീക്ഷ. കെ.വി.എൻ.എസ്.

 കോട്ടയം:  അധികാരത്തിലേറിയ സർക്കാരിൽ വെളുത്തേടത്തു നായർ സമുദായം അടക്കമുള്ള പിന്നാക്ക വിഭാഗങ്ങൾക്ക് വളരെ പ്രതീക്ഷയുണ്ടന്നും പ്രകടനപത്രികയിൽ എം.ബി.സി.എഫ് സമർപ്പിച്ച നിവദേനങ്ങളുടെ അന്തസ്സത്ത ഉൾക്കൊള്ളിച്ചതിനാൽ തീർച്ചയായും അതിപിന്നാക്ക വിഭാഗങ്ങളുടെ പുരോഗതിക്ക് പ്രത്യേക പരിഗണന നൽകുമെന്ന് പ്രതീക്ഷിക്കുന്നതായും സർക്കാരിന് ആശംസകൾ അറിയിക്കുന്നതായും സംസ്ഥാന പ്രസിഡന്റ് ഇ.എസ്.രാധാകൃഷ്ണൻ പറഞ്ഞു. വാഴൂർ ശാഖാ വാർഷികവും കുടുംബ സംഗമവും ഉദ്ഘാടനം ചെയ്തു സംസാരിക്കുകയായിരന്നു അദ്ദേഹം.

കിൻഡോരമ ഹെൽത്ത് കെയർ എം.ഡി. ആയി ചുമതലയേറ്റ രഞ്ജിത്ത് കൃഷ്ണനെ വാഴൂർ ഗ്രാമ പഞ്ചായത്ത് അംഗം വി.എൻ . മനോജ് പൊന്നാട നൽകിയും മൊമന്റോ നൽകിയും അനുമോദിച്ചു.ശാഖാ പ്രസിഡന്റ് എൻ.എസ് ഗോപിനാഥൻ നായർ അദ്ധ്യക്ഷത വഹിച്ചു.സംസ്ഥാന സെക്രട്ടറി ടി.എൻ. മുരളീധരൻ നായർ,ജില്ലാ വൈ.പ്രസിഡന്റ് ആർ. പുഷ്പ,ട്രഷറർ ഇ.എസ്.ഹരികുമാർ, ബി.ഷാജി, എ.വി.സുരേഷ് ബാബു, രഞ്ജിത്ത് കൃഷ്ണൻ,ശോഭാ സജീവ്, പ്രീതി മനോജ്,ഉഷ ജയലാൽ, വി.ജി.രാമചന്ദ്രൻ നായർ, എം.എൻ പ്രകാശ്, സി.സി. രാജൻ ലാൽ തുടങ്ങിയവർ പ്രസംഗിച്ചു.