news updates: എരുമേലിയിൽ വാഹനപകടം: പത്താം ക്ലാസ് വിദ്യാർത്ഥിയുൾപ്പെടെ രണ്ടുപേർക്ക് ദാരുണാന്ത്യം

 എരുമേലി: ചരളയിലുണ്ടായ വാഹനപകടത്തിൽ പത്താം ക്ലാസ് വിദ്യാർത്ഥിക്കും ഓട്ടോ യാത്രക്കാരനും ദാരുണാന്ത്യം. എരുമേലി സെന്റ് മേരീസ് സ്വദേശിയും തെങ്ങുംതോട്ടത്തിൽ ഷാജിയുടെ മകനുമായ റഹ്മത്തുള്ള (16)ആണ് മരിച്ച വിദ്യാർത്ഥി. ബൈക്കും ഓട്ടോറിക്ഷയും തമ്മിൽ കൂട്ടിയിടിച്ചായിരുന്നു അപകടം.

അപകടം നടന്ന ഉടനെ ഗുരുതരമായി പരിക്കേറ്റ ഇരുവരെയും കാഞ്ഞിരപ്പള്ളി 26-ാം മൈലിലെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. പത്താം ക്ലാസ് പരീക്ഷാ ഫലം കാത്തിരിക്കെ സംഭവിച്ച ഈ വേർപാട് കുടുംബത്തിനും നാടിനും വലിയ ആഘാതമായിരിക്കുകയാണ്.