വാഴൂർ: വാഴൂർ പുളിക്കൽ കവലയ്ക്ക് സമീപം പന്നഗം പാലത്തിലെ മതിൽക്കെട്ടിലേക്ക് ഇന്നോവ കാർ ഇടിച്ച് മറിഞ്ഞു. അപകടത്തിൽ ആർക്കും പരിക്കേറ്റില്ല.വാഹനത്തിൽ നിന്ന് പുക ഉയർന്നതോടെ തീപടരുമോ എന്ന ആശങ്കയുണ്ടായി. എന്നാൽ വഴിയാത്രക്കാരുടെ സമയോചിത ഇടപെടൽ മൂലം പുക നിയന്ത്രിച്ചതിനാൽ വൻ അപകടം ഒഴിവായി. പാലത്തിന്റെ മതിൽക്കെട്ടും കൈവരികളും തോട്ടിലേക്ക് വീണ് പൂർണമായും തകർന്നു.
അമിതവേഗവും പാലത്തിനോട് ചേർന്നുള്ള വെള്ളക്കെട്ടുമാണ് അപകടകാരണം എന്ന് നാട്ടുകാർ പറയുന്നു.
വെള്ളക്കെട്ട് മാറ്റി സുരക്ഷിതമായ പാത ഒരുക്കുമെന്നാണ് നാട്ടുകാരുടെ പ്രതീക്ഷ.
