'എന്നാൽ പിന്നെ ഞാനും' - ഇൻസ്റ്റാഗ്രാം കീഴടക്കി 80-കളിലെ ആ 'റെട്രോ ട്രെൻഡ്'! ഇപ്പോൾ സോഷ്യൽ മീഡിയ തുറന്നാൽ എവിടെ നോക്കിയാലും പഴയ കാലത്തെ സിനിമകളെയോ ആൽബങ്ങളെയോ ഓർമ്മിപ്പിക്കുന്ന ചിത്രങ്ങളും റീലുകളുമാണ് നിറഞ്ഞുനിൽക്കുന്നത്. ഇൻസ്റ്റാഗ്രാമിൽ തരംഗമായി മാറിയ ഈ പുതിയ 80s റെട്രോ സ്റ്റൈൽ ഫോട്ടോകളെക്കുറിച്ചാണ് പറഞ്ഞു വരുന്നത്.
എന്താണ് ഈ ട്രെൻഡ്? നമ്മുടെ സാധാരണ ഫോട്ടോകളെ കൃത്യമായ AI പ്രോംപ്റ്റുകൾ ഉപയോഗിച്ച് 1980-കളിലെ റെട്രോ ലുക്കിലേക്ക് മാറ്റിയെടുക്കുന്നതാണ് ഈ പുതിയ വിദ്യ. വളരെ എളുപ്പത്തിൽ ഫോണിലൂടെ തന്നെ ചിത്രങ്ങളെ വിന്റേജ് ലുക്കിലേക്ക് മാറ്റാൻ സാധിക്കും എന്നതാണ് ഈ ട്രെൻഡിനെ ജനപ്രിയമാക്കുന്നത്.
80-കളിലെ മലയാളി തനിമയുള്ള വസ്ത്രധാരണ രീതിയും ഹെയർസ്റ്റൈലുമാണ് ഇതിന്റെ പ്രധാന പ്രത്യേകത. ചിത്രങ്ങൾക്ക് പഴയ ഫിലിം ക്യാമറകളിൽ എടുത്തതുപോലുള്ള കളർ ഗ്രേഡിംഗും ഗ്രെയിൻ ടെക്സ്ചറും ലഭിക്കുന്നു. പഴയകാല സിനിമാ മാഗസിനുകളിലെ പേജുകൾ ഓർമ്മിപ്പിക്കുന്ന തരത്തിലാണ് ഇതിന്റെ ഫൈനൽ ലുക്ക്. അതുകൊണ്ട് തന്നെ കാണുന്നവർക്ക് ഒരു നൊസ്റ്റാൾജിയ ഫീൽ നൽകാൻ ഈ ചിത്രങ്ങൾക്ക് സാധിക്കുന്നു.
നിങ്ങളും ഈ ട്രെൻഡിന്റെ ഭാഗമായി നിങ്ങളുടെ ചിത്രങ്ങൾ റെട്രോ സ്റ്റൈലിലേക്ക് മാറ്റി നോക്കൂ! വിന്റേജ് ലുക്കിലുള്ള ചിത്രങ്ങൾ ഇൻസ്റ്റാഗ്രാമിലും ഫേസ്ബുക്കിലും പങ്കുവെച്ച് നോസ്റ്റാൾജിയ ഉണർത്താം.
