ന്യൂഡൽഹി: ഡൽഹി-എൻസിആർ ഉൾപ്പെടെ ഉത്തരേന്ത്യയിലെ നിരവധി പ്രദേശങ്ങളിൽ ശക്തമായ ഭൂകമ്പത്തിൽ ശക്തമായ ഭൂചലനം അനുഭവപ്പെട്ടു. ഭൂചലനത്തിൽ കെട്ടിടങ്ങൾ കുലുങ്ങി, ആളുകൾ പരിഭ്രാന്തരായി വീടുകളിൽ നിന്ന് പുറത്തേക്ക് ഓടി.രാത്രി 10.20ഓടെയാണ് ഭൂചലനം അനുഭവപ്പെട്ടത്.ഡൽഹിയിൽ 4.5 തീവ്രത രേഖപ്പെടുത്തി. ഒരു മിനിറ്റ് നേരത്തോളം ചലനം നിലനിന്നു. നാല് സെക്കന്റോളം ലഖ്നൗവിൽ ഭൂചലനം അനുഭവപ്പെട്ടു.അഫ്ഗാനിസ്ഥാനിലെ ഹിന്ദുകുഷ് മേഖലയിലാണ് റിക്ടർ സ്കെയിലിൽ 6.8 തീവ്രത രേഖപ്പെടുത്തിയ ഭൂചലനം ഉണ്ടായതെന്ന് വാർത്താ ഏജൻസിയായ റോയിട്ടേഴ്സ് റിപ്പോർട്ട് ചെയ്തു.
പാക്കിസ്ഥാനിലെ ഇസ്ലാമാബാദ്, ലാഹോർ, പെഷവാർ എന്നിവിടങ്ങളിലും ഭൂചലനം അനുഭവപ്പെട്ടതായി എആർവൈ ന്യൂസ് റിപ്പോർട്ട് ചെയ്തു.ഇതുവരെ ആളപായമോ വസ്തുവകകൾക്ക് നാശനഷ്ടമോ റിപ്പോർട്ട് ചെയ്തിട്ടില്ല.
ഡൽഹിയിലെ പ്രധാനപ്പെട്ട സ്ഥലങ്ങളിൽ എല്ലാം ആളുകൾ പുറത്തേക്ക് ഓടി നിൽക്കുന്ന കാഴ്ചകളാണ് പല ചാനലുകളും റിപ്പോർട്ട് ചെയ്തുകൊണ്ടിരിക്കുന്നത്. കാര്യമായ നാശനഷ്ടങ്ങളും മറ്റുകാര്യങ്ങളും ഇതുവരെ റിപ്പോർട്ട് ചെയ്തിട്ടില്ല. ആശങ്കപ്പെടേണ്ട യാതൊരുവിധ സാഹചര്യങ്ങളും നിലവിലില്ല എന്ന് ഡൽഹിയിൽ നിന്നുള്ള റിപ്പോർട്ടുകളിൽ നിന്ന് വ്യക്തമാകുന്നു.
 |
| Group63 |
