കേരള സംസ്ഥാനത്ത് ''ശുചിത്വം സഹകരണം'' പദ്ധതി പൂര്ത്തീകരിക്കുന്ന ആദ്യ ബ്ലോക്ക് പഞ്ചായത്തായി വാഴൂര് മാറുകയാണ്.
പരിധിയിലെ അങ്കണവാടികള്,എല്.പി/യുപി/ഹൈസ്കൂള്/ഹയര് സെക്കന്ററി സ്കൂളുകള്,ഘടക സ്ഥാപനങ്ങള് എന്നിവകളില് വാര്ഷികപദ്ധതിയില് ഉള്പ്പെടുത്തി ജൈവമാലിന്യ സംസ്കരണത്തിന് ''ജി ബിന്'' സ്ഥാപിക്കുകയും സഹകരണ ബാങ്കുകള് അവിടെ മാലിന്യങ്ങള് തരം തിരിക്കുന്നതിന് വിവിധ കളര് ബിന്നുകള് സ്ഥാപിക്കുകയും ചെയ്യുന്നതാണ് പദ്ധതി.
പദ്ധതിയുടെ ഭാഗമായി ജി-ബിന്നുകളുടെയും മറ്റ് തരം തിരിക്കുന്ന ബിന്നുകളുടെയും വിതരണവും ബോധവല്ക്കരണ സെമിനാറും വാഴൂര് ബ്ലോക്ക് പഞ്ചായത്ത് അങ്കണത്തില് ഗവ.ചീഫ്.വിപ്പ്. ഡോ.എന്.ജയരാജ് ഉദ്ഘാടനം നിർവഹിച്ചു.സ്ഥാപന മേധാവികള്,പഞ്ചായത്ത് പ്രസിഡന്റുമാര്,ബ്ലോക്ക് ജനപ്രതിനിധികള്,സഹകരണബാങ്ക് ഭാരവാഹികള്,ഇ-നാട് യുവജന സഹകരണ സംഘം ഭാരവാഹികള്,സഹകരണ വകുപ്പ് ഉദ്ദ്യോഗസ്ഥര് തുടങ്ങിയവര് പങ്കെടുത്തു.
 |
| Group63 |
