ചാമംപതാൽ ,രണ്ടാം മൈൽ - മൈലാടു പാറ റോഡിന് കുറുകെ മറിഞ്ഞ് നിൽക്കുന്ന മരം മാറ്റുന്നില്ലെന്ന് പ്രദേശവാസികളുടെ പരാതി. കഴിഞ്ഞ വർഷം വാഴൂരിൽ ഉണ്ടായ ശക്തമായ കാറ്റിനെ തുടർന്ന് റോഡിലേക്ക് കട പുഴകി നിന്ന മരം, ഇത് വരെ മാറ്റാൻ തയ്യാറായിട്ടില്ല. കുട്ടികളടക്കം നൂറ് കണക്കിന് ആളുകൾ ഉപയോഗിക്കുന്ന വഴിയായിട്ടു പോലും മരം വെട്ടി മാറ്റുന്നതിന് വേണ്ട നടപടികൾ അധികാരികളുടെ ഭാഗത്തുനിന്നും ശ്രമിക്കുന്നില്ല എന്ന് നാട്ടുകാർ പറഞ്ഞു. സ്ഥലം ഉടമ മറ്റൊരാൾക്ക് മരം വിറ്റതായി പറയപ്പെടുന്നു. മരം റോഡിലേക്ക് മറിഞ്ഞ് വീഴാതിരിക്കാൻ ചെറിയ മരക്കഷണത്തിൽ താങ്ങി നിർത്തിയിരിക്കുകയാണ്. ഏത് നിമിഷവും ഇത് നിലം പൊത്തുന്ന സാഹചര്യമാണ്.അടുത്ത കാലവർഷത്തിന് മുമ്പ് എങ്കിലും വേണ്ട നടപടികൾ സ്വീകരിച്ച് മരം മുറിച്ചു മാറ്റുന്നതിന് വേണ്ട നടപടികൾ സ്വീകരിക്കണമെന്ന് നാട്ടുകാർ അധികാരികളോട് ആവശ്യം ഉന്നയിച്ചിരിക്കുകയാണ്.
ഫോട്ടോ & വാർത്ത:PA Shihabudeen
 |
| Group63 |
