news update accident ettu:ഏറ്റുമാനൂർ കടപ്പൂര് ഓട്ടോ ടാക്സി കനാലിലേയ്ക്ക് മറിഞ്ഞ് ഡ്രൈവർക്ക് ഗുരുതര പരിക്ക്

 

ഏറ്റുമാനൂർ കടപ്പൂര് വട്ടുകുളത്തിന് സമീപം  ഓട്ടോ ടാക്സി കനാലിലേയ്ക്ക് മറിഞ്ഞ് ഡ്രൈവർക്ക് ഗുരുതര പരിക്ക്.കടപ്പൂർ സ്വദേശിയായ ഡ്രൈവർ ബിജുവിന് ആണ് ഗുരുതരമായി പരിക്കേറ്റത് . ഇദ്ദേഹത്തെ കോട്ടയം മെഡിക്കൽ കോളേജിൽ പ്രവേശിപ്പിച്ചു. ഇന്നലെ വൈകുന്നേരം 04:30 ഓടെയാണ് അപകടം ഉണ്ടായത്. കനാലിന്റെ സമീപം ഓട്ടം വന്ന് തിരിക്കാൻ ശ്രമിക്കുമ്പോൾ  വാഹനം  താഴ്ചയുള്ള കനാലിൽ പതിക്കുകയായിരുന്നു.

യാത്രക്കാരൻ വരുമ്പോളേക്കും ഓട്ടോ തിരിച്ചിടാൻ ശ്രമിക്കവേ ആണ് അപകടം ഉണ്ടായത്.   കയറ്റമുള്ള വീടിന്റെ വഴിയിലേക്ക് കയറ്റി റിവേഴ്സ് എടുത്ത് തിരിച്ചിടാൻ ശ്രമിക്കവേ കനാലിലേയ്ക്ക് വാഹനം പതിക്കുകയായിരുന്നു. റിവേഴ്‌സിൽ വന്ന വാഹനത്തിന്റെ ബ്രേക്ക്‌ നഷ്ടപ്പെട്ടതാവാം അപകട കാരണമെന്ന് കരുതുന്നു.

ഈ മേഖലയിൽ വൻ താഴ്ചയാണ് കനാലിന്. പക്ഷെ സംരക്ഷണ മതിലുകൾ ഒന്നും തന്നെ ഇവിടെ എന്നല്ല ഒട്ടുമിക്ക ഭാഗത്തുമില്ല. വളരെ ഭീതിയോടെയാണ് ആളുകൾ ഇതുപോലെ താഴ്ചയുള്ള ഈ കനാലിന്റെ ഭാഗങ്ങളിലൂടെ സഞ്ചരിക്കുന്നത്.

 

Group63