Vitamins and minerals:ജീവകങ്ങളും ധാതുക്കളും കൊണ്ട് സമ്പുഷ്ടമായ മത്തൻ,നമുക്ക് നൽകുന്ന ഗുണങ്ങളെ കുറിച്ച് അറിയാം

 

ജീവകങ്ങളും ധാതുക്കളും കൊണ്ട് സമ്പുഷ്ടമായ മത്തൻ ഏതു കാലാവസ്ഥയിലും അനുയോജ്യമായ രീതിയിൽ നാട്ടുമ്പുറങ്ങളിലെ കൃഷിയിടങ്ങളിൽ സുലഭമായി ലഭിക്കുന്ന ഒന്നാണ്.നിരവധി പോഷകങ്ങൾ അടങ്ങിയ പച്ചക്കറിയാണ് മത്തൻ.വിറ്റാമിൻ സി, ഇ, ബീറ്റാ കരോട്ടിൻ എന്നിവയുൾപ്പെടെ ചർമ്മത്തിന് അനുകൂലമായ പോഷകങ്ങൾ മത്തനിൽ അടങ്ങിയിട്ടുണ്ട്. ഇവയെല്ലാം നമ്മുടെ ചർമ്മത്തിന്റെ ആരോഗ്യത്തിൽ ഒരു പ്രധാന പങ്ക് വഹിക്കുന്നു.

രോഗപ്രതിരോധ പ്രവർത്തനത്തെ പ്രോത്സാഹിപ്പിക്കുന്നതിൽ വിറ്റാമിൻ എ ഒരു പ്രധാന പങ്ക് വഹിക്കുന്നുണ്ടെന്ന് ഗവേഷണങ്ങൾ തെളിയിച്ചിട്ടുണ്ട്.

 വൈറ്റമിൻ സി രോഗപ്രതിരോധ പ്രവർത്തനത്തിനും രോഗപ്രതിരോധ കോശങ്ങളുടെ പ്രവർത്തനം സുഗമമാക്കുന്നതിനും വെളുത്ത രക്താണുക്കൾ വർദ്ധിപ്പിക്കുന്നതിനും സഹായിക്കുന്നു.

മത്തനിൽ നാരുകൾ, പൊട്ടാസ്യം, വിറ്റാമിൻ സി എന്നിവ അടങ്ങിയിട്ടുണ്ട്. കൂടാതെ സോഡിയം സ്വാഭാവികമായും കുറവാണ്. രക്തസമ്മർദ്ദത്തെ നിയന്ത്രിക്കാൻ സഹായിക്കുന്നു. മാത്തന്റെ കുരു പോലും ആരോഗ്യത്തിന് നല്ലതാണ്. മത്തനും മാത്തന്റെ കുരുവും രക്തത്തിലെ പഞ്ചസാരയുടെ അളവ് കുറയ്ക്കുന്നു. അതുകൊണ്ട് പ്രമേഹരോഗികൾക്കും മത്തൻ കഴിക്കാവുന്നതാണ്.