ഗൂഗിൾ ന്യൂസിലും വാർത്തകൾ വായിക്കാം
ആലപ്പുഴ ചാരുംമൂട് ആദിക്കാട്ടുകുളങ്ങരയില് സൂര്യാഘാതമേറ്റ് പശുവിനെ ചത്ത നിലയില് കണ്ടെത്തി. ആദിക്കാട്ടുകുളങ്ങര തെറ്റിക്കുഴി തെക്കതില് സുബൈദയുടെ കറവപ്പശുവാണ് സൂര്യതാപമേറ്റു ചത്തത്. പശുവിന്റെ പല ശരീരഭാഗങ്ങളും സൂര്യതാപമേറ്റ് കരുവാളിച്ച നിലയിലാണെന്ന് സുബൈദ പറഞ്ഞു. ‘തിങ്കളാഴ്ച രാവിലെ കറവക്കായി എത്തിയപ്പോഴാണ് പശുവിനെ തൊഴുത്തില് ചത്ത നിലയില് കണ്ടത്.’ അതേസമയം സൂര്യാഘാതമേറ്റ് ഇന്ന് മരിച്ചവരുടെ എണ്ണം രണ്ടായി. സൂര്യാഘാതമേറ്റ് ചികിത്സയിലായിരുന്ന മാഹിയിലെ പന്തക്കൽ സ്വദേശി ഉളുമ്പന്റവിട വിശ്വനാഥൻ (53), എല്ലപ്പള്ളി സ്വദേശി ലക്ഷ്മി (90) എന്നിവരാണ് മരിച്ചത്.
