vazhoor news update: വാഴൂർ ഗ്രാമപഞ്ചായത്തിൽ കൃഷിഭവൻ കശുമാവ് ഗ്രാഫ്റ്റ് തൈകൾ വിതരണം ആരംഭിച്ചു

 

ഗൂഗിൾ ന്യൂസിലും വാർത്തകൾ വായിക്കാം

വാഴൂർ ഗ്രാമപഞ്ചായത്ത് കൃഷിഭവനും, കേരള സംസ്ഥാന കശുമാവ് കൃഷി വ്യാപന ഏജൻസിയും സംയുക്തമായി കശുമാവ് ഗ്രാഫ്റ്റ് തൈകൾ സൗജന്യമായി വിതരണം ആരംഭിച്ചു.  സംസ്ഥാന കശുമാവ് കൃഷി വ്യാപന ഏജൻസിയും പഞ്ചായത്തും ചേർന്ന് സൗജന്യമായിട്ടാണ് തൈകൾ നൽകുന്നത്.  മൂന്നാം വർഷം ഫലം തരുന്ന അത്യുൽപാദനശേഷിയുള്ള 4500 കശുമാവ് ഗ്രാഫ്റ്റുകളാണ് വിതരണം ചെയ്യുന്നത്.  

അധികം പൊക്കം വെക്കാത്ത പടരാതെ നിയന്ത്രിച്ചു വളർത്താവുന്ന തരം തൈകളാണ്, 10 സെൻറ് സ്ഥലം ഉള്ള വ്യക്തികൾക്ക് എട്ടുതൈകൾ മുതൽ സ്ഥല ലഭ്യതയ്ക്ക് അനുസരിച്ച്,  അപേക്ഷ നൽകിയവർക്ക് ആവശ്യാനുസരണം തൈകൾ നൽകും.  ആദ്യം അപേക്ഷ നൽകിയ കർഷകർക്കുള്ള 3000 തൈകളുടെ വിതരണം ആണ് പൂർത്തിയായത്.  അടുത്തഘട്ട വിതരണം ഓഗസ്റ്റിൽ നടക്കും.

തൈകളുടെ വിതരണ ഉദ്ഘാടനം ഗ്രാമപഞ്ചായത്ത് പ്രസിഡൻറ് വി പി റെജി  നിർവഹിച്ചു.  കൃഷി ഓഫീസർ  ജി . അരുൺകുമാർ,  ഗ്രാമപഞ്ചായത്ത് അംഗം ജിബി പൊടിപ്പാറ, കൃഷി അസിസ്റ്റൻറ്മാരായ എസ് സബീര്‍, കെ എൻ ജെയിനി,  ക്യാഷ്യു വികസന ഏജൻസി കോഡിനേറ്റർ വീണാ മോൾ എന്നിവർ സംസാരിച്ചു.