Ration Card Biometric Mustering: റേഷൻ കാർഡ് ബയോമെട്രിക് മസ്റ്ററിംഗ് പുനരാരംഭിച്ചു; കോട്ടയത്ത് ഈ തീയതികളിലാണ്

 സാങ്കേതിക പ്രശ്നങ്ങൾ കാരണം നിറുത്തിവച്ചിരുന്ന റേഷൻ കാർഡ് ഉടമകളുടെ ബയോമെട്രിക് മസ്റ്ററിംഗ് ഇന്ന് (സെപ്തംബർ 18 ബുധൻ) പുനരാരംഭിച്ചു. മൂന്ന് ഘട്ടങ്ങളായി മസ്റ്ററിംഗ് പൂർത്തിയാക്കാനാണ് തീരുമാനം. 

തിരുവനന്തപുരം ജില്ലയിലാണ് ആദ്യ ഘട്ടത്തിൽ മസ്റ്ററിംഗ് നടക്കുക.ഇന്നു മുതൽ 24 വരെയാണ് തിരുവനന്തപുരത്തെ മസ്റ്ററിംഗ്.

കൊല്ലം, ആലപ്പുഴ, പത്തനംതിട്ട, കോട്ടയം, ഇടുക്കി, എറണാകുളം, തൃശൂർ എന്നീ ജില്ലകളിൽ സെപ്തംബർ 25 മുതൽ ഒക്ടോബർ ഒന്നുവരെയാണ് രണ്ടാം ഘട്ടം മസ്റ്ററിംഗ് നടക്കുക. മൂന്നാം ഘട്ടത്തിൽ പാലക്കാട്, വയനാട്, കോഴിക്കോട്, മലപ്പുറം, കണ്ണൂർ, കാസർഗോഡ് ജില്ലകളിൽ മസ്റ്ററിംഗ് നടക്കും. ഒക്ടോബർ ഒന്നു മുതൽ 8 വരെയാണ് മൂന്നാം ഘട്ട മസ്റ്ററിംഗ് നടക്കുക.