school lunch menu: സ്കൂൾ വിദ്യാർത്ഥികൾക്കുള്ള ഉച്ച ഭക്ഷണ മെനുവിൽ മാറ്റം; വ്യത്യാസം നിലനിർത്തണം

 

സ്കൂൾ വിദ്യാർത്ഥികൾക്കുള്ള ഉച്ച ഭക്ഷണ മെനുവിൽ മാറ്റം വരുന്നു. ഇനി മുതൽ വിദ്യാർത്ഥികൾക്കുള്ള ഉച്ച ഭക്ഷണത്തിൽ രസവും അച്ചാറും ഉൾപ്പെടുത്തില്ലെന്ന് അറിയിച്ചുകൊണ്ട് സർക്കുലറും പുറത്തിറക്കി. ഇത് കൂടാതെ, ചോറിനൊപ്പം നിർബന്ധമായും രണ്ട് കറികൾ നൽകണമെന്നും ഇതിൽ പച്ചക്കറികളും പയർ വർഗങ്ങളും ഉൾപ്പെടണമന്നും ഉത്തരവിൽ പറയുന്നു.

കറികളിൽ എപ്പോഴും വ്യത്യാസം നിലനിർത്തണം. ചെറുപയർ, വൻപയർ, കടല, ഗ്രീൻ പീസ്, മുതിര എന്നിവ കറികളിൽ ഉൾപ്പെടുത്തുന്ന വിധമാക്കണം തയ്യാറാക്കേണ്ടതെന്നും പറയുന്നുണ്ട്. ഉത്തരവിനൊപ്പം ഇതിനുവേണ്ടിയുള്ള സാംപിളും നൽകിയിട്ടുണ്ട്.

തിങ്കൾ: ചോറ്, അവിയൽ, പരിപ്പുകറി

ചൊവ്വ: ചോറ്, തോരൻ, എരിശ്ശേരി

ബുധൻ: ചോറ്, തോരൻ (ഇലക്കറി), സാമ്പാർ

വ്യാഴം: ചോറ്, തോരൻ, സോയാ കറി/കടലക്കറി/ പുളിശ്ശേരി

വെള്ളി: ചോറ്, തോരൻ, ചീര പരിപ്പുകറി