vazhoor news update: മതിലിൽ ഒരു വരയാൽ ജീവൻ്റെ തുടിപ്പേകി കുരുന്നുകൾ.....

വാഴൂർ : വാഴൂർ ഗവൺമെൻ്റ് ഹൈസ്കൂളിൽ ആർട്ടിസ്റ്റ് സുനിൽ ഡാവിഞ്ചിയുടെ നേതൃത്വത്തിൽ  ചുറ്റുമതിലിൽ ചിത്രങ്ങൾ രചിച്ച്,  പ്രകൃതി സംരക്ഷണത്തിന് കലാവാസനയുടെ കരുത്തു പകർന്ന് പഠിതാക്കൾ .

എക്കോ ക്ലബിൻ്റെയും വിദ്യാരംഗം കലാസാഹിത്യ വേദിയുടെയും കൂട്ടായ്മയിൽ "മതിലിൽ ഒരു വര " എന്ന പേരിട്ട ഈ പരിപാടിയുടെ ഉദ്ഘാടനം  ഗ്രാമപഞ്ചായത്ത് പ്രസിഡൻറ്  ഡി സേതുലക്ഷ്മി നിർവ്വഹിച്ചു.പിടിഎ പ്രസിഡൻ്റ്   സജീവ് ജോർജ് വട്ടപ്പാറ അധ്യക്ഷത വഹിച്ചു.

ഹെഡ്മിസ്ട്രസ് മിനി എം , പഞ്ചായത്തംഗം  ഷാനിദ അഷ്റഫ് , സി ആർ സി കോർഡിനേറ്റർ ഡോ. ശ്രീവിദ്യ എൻഎൽ ,  എം പി ടി എ   പ്രസിഡൻറ് അനിത മോഹൻ , പിടിഎ വൈസ് പ്രസിഡൻറ് ബിന്ദു അനിൽകുമാർ, മുൻ പിടിഎ പ്രസിഡൻ്റ് സുധീഷ് വെള്ളാപ്പള്ളി ,  ചിത്രകാരന്മാരായ രാജേഷ് മുണ്ടക്കയം , രാജേഷ് പാമ്പാടി , സ്റ്റാഫ് , പിടിഎ - എം പി ടി എ  അംഗങ്ങൾ തുടങ്ങിയവരുടെ സാന്നിധ്യത്തിൽ പ്രീപ്രൈമറി മുതൽ പത്താംക്ലാസ് വരെയുള്ള കുട്ടികൾ ചായക്കൂട്ടുകൾ  ചാലിച്ച്, ആശയത്തിന് ജീവൻ്റെ തുടിപ്പ് പകർന്നു.