Jainy Mattapally l 06/10/2025
ഇളമ്പള്ളി - പള്ളിക്കത്തോട് ഗ്രാമ പഞ്ചായത്ത് ആറാം വാർഡിൽ വെള്ളാപ്പള്ളി മേഖലയിൽ മുന്ന് പതിറ്റാണ്ട്കളായി താമസിക്കുന്ന പത്തിൽ പരം കുടുംബങ്ങളുടെ സഞ്ചാരയോഗ്യമായ റോഡ് എന്ന ചിരകാല സ്വപ്നം യാഥാർഥ്യമായി.
മുൻ പഞ്ചായത്ത് പ്രസിഡൻറ്റും ബ്ലോക്ക് പഞ്ചായത്തംഗമായ ജിജി അഞ്ചാനിയുടെയും ആറാം വാർഡ് മെംബർ സൗമ്യ സുനി ഷിന്റെയും മുൻ പഞ്ചായത്തംഗം പ്രസന്നൻ വെള്ളാപ്പള്ളിയുടെയും ഇടപെടലാണ് പ്രദേശവാസികളുടെ സ്വപ്നം സാക്ഷാൽ കരിച്ചത്. ഉയർന്ന പ്രദേശമായ ഇവിടെ താമസിക്കുന്ന വളരെ സാധാരണ കരായ കുടുബങ്ങളുടെ ദുരിതത്തിന് പരിഹാരമായത് ഗ്രാമ പഞ്ചായത്തഗം സൗമ്യ സുനിഷ് റോഡ് തുറക്കാൻ സ്ഥലം വിട്ടു തൽകിയത്തോടെ റോഡ് യാഥാർഥ്യമാവുകയായിരുന്നു.
കിടപ്പു രോഗികളെയും പ്രായമുള്ളവരെയും കസേരകളിൽ ഇരുത്തി ചുമന്ന് റോഡിൽ എത്തിച്ചാണ് ആശുപത്രിയിൽ എത്തിച്ചിരുന്നത്.റോഡ് നിർമ്മാണം തുടങ്ങിയത് മുതൽ പൂർത്തിയാകുന്നവരെയും ബ്ലോക്ക് പഞ്ചായത്തംഗം ജിജി അഞ്ചാനിയും വാർഡ് മെംബർ സൗമ്യാ സുനിഷും പ്രസന്നൻ വെള്ളാപ്പളളിയും നേതൃത്വ നൽകിയാണ് റോഡ് നിർമ്മാണം പൂർത്തികരിച്ചത്.
നീണ്ട കാത്തിരിപ്പിനൊടുവിൽ തങ്ങളുടെ സഞ്ചാര സ്വാതന്ത്ര്യം യാഥാർഥൃമായതിന്റെ സന്തോഷത്തിലാണ് വെള്ളാപ്പള്ളി നിവാസികൾ.
