vazhoor news updates: വാഴൂർ പ്രൈമറി ഹെൽത്ത് സെൻററിൽ നവീകരിച്ച ഇമ്മ്യൂണൈസേഷൻ സെൻറർ തുറന്നു

 വാഴൂർ:  ആരോഗ്യരംഗത്ത്  കോട്ടയം ജില്ലയിൽ മുൻപന്തിയിൽ എത്തിയ പ്രൈമറി ഹെൽത്ത് സെൻറർ ആണ് വാഴൂർ ഹെൽത്ത് സെൻറർ. ആർദ്രം പുരസ്കാരമടക്കം നേടിയ പ്രൈമറി ഹെൽത്ത് സെൻററിൽ ദിനംപ്രതി 100 കണക്കിന് രോഗികളാണ് വന്നു പോകുന്നത്.  ജീവനക്കാരുടെ  കൂട്ടായിട്ടുള്ള പ്രവർത്തനവും, മരുന്നിൻറെ ലഭ്യതയും, രോഗ പരിചരണവും ഒക്കെ മറ്റ് സെന്ററുകളിൽ  നിന്നും വ്യത്യസ്തത പുലർത്തുന്നു. 

 നവീകരിച്ച immunization ഏരിയയുടെയും, കുട്ടികളുടെ കളി സ്ഥലത്തിന്റെയും ഉദ്ഘാടനം ഗ്രാമപഞ്ചായത്ത് പ്രസിഡൻറ് തോമസ് വെട്ടുവേലി നിർവഹിച്ചു. ഗ്രാമപഞ്ചായത്ത് വൈസ് പ്രസിഡണ്ട് ഡി സേതുലക്ഷ്മി അധ്യക്ഷത വഹിച്ചു.വാർഡ് മെമ്പർ സിന്ധു ചന്ദ്രൻ, ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ ശ്രീകാന്ത് പി തങ്കച്ചൻ, മെഡിക്കൽ ഓഫീസർ ജോർജ്  മാത്യു തുടങ്ങിയവർ ആശംസകൾ അർപ്പിച്ചു.