news updates: സർജിക്കൽ ബ്ലേഡ് ബാൻഡേജിനുള്ളിൽ വെച്ച് കെട്ടി; റിപ്പോർട്ട് നൽകാൻ ഡിഎംഒ നിർദേശം

 സർജിക്കൽ ബ്ലേഡ് ബാൻഡേജിനുള്ളിൽ വെച്ച് കെട്ടിയെന്ന പരാതിയിൽ അന്വേഷിച്ച് റിപ്പോർട്ട് നൽകാൻ ഡിഎംഒ നിർദേശം. പത്തനംതിട്ട പമ്പാ ആശുപത്രിക്കെതിരെയുള്ള തീർത്ഥാടകയുടെ പരാതിയിലാണ് അന്വേഷണത്തിന് നിർദ്ദേശം നൽകിയത്. 

പമ്പാ മെഡിക്കൽ ഓഫീസർക്കാണ് നിർദേശം. നെടുമ്പാശ്ശേരി സ്വദേശിയായ പ്രീതയാണ് പത്തനംതിട്ട ഡിഎംഒയക്ക് പരാതി നൽകിയത്. യാത്രയ്ക്കിടെ കാലിലുണ്ടായ മുറിവ് ഡ്രസ്സ് ചെയ്യുന്നതിനായാണ് ഇവർ ആശുപത്രിയിൽ എത്തിയത്. മടക്കയാത്രയ്ക്ക് മുൻപായി വീണ്ടും മുറിവ് കെട്ടാനായി എത്തിയപ്പോൾ ഡ്യൂട്ടിയിലുണ്ടായിരുന്ന ഡോക്ടർ ഒരു സഹായിയെയാണ് ചുമതലപ്പെടുത്തിയത്.