ponkunnam updates: പി പി റോഡിൽ സ്വകാര്യ ബസിടിച്ചു കാൽനടയാത്രക്കാരൻ മരിച്ചു

 പാലാ പി. പി.  റോഡിൽ, പൂവരണി പള്ളിക്ക് സമീപം വിളക്കുംമരുതിൽ സ്വകാര്യ ബസിടിച്ച് കാൽനടയാത്രക്കാരൻ മരിച്ചു. പൂവരണി പ്ലാപ്പള്ളിൽ രഘുവാണ് മരിച്ചത്. ഇന്നലെ വൈകിട്ട് 4.10 ഓടെയാണ് സംഭവം.പാലായിൽ നിന്നും പൊൻകുന്നത്തേയ്ക്ക് പോയ നിരപ്പേൽ ബസ്സാണ് ഇടിച്ചത്.

റോഡരികിൽ കൂടി നടന്നു പോവുകയായിരുന്ന രഘുവിനെ പിന്നിൽ നിന്ന് എത്തിയ ബസ് ഇടിച്ചു വീഴ്ത്തുകയായിരുന്നു. ഇടിയേറ്റ് വീണ രഘു തൽക്ഷണം തന്നെ മൃതിയടയുകയായിരുന്നു. നിരപ്പേൽ ബസ്സിന്റെ അമിതവേഗത്തെക്കുറിച്ച് ഇതിനുമുമ്പും നിരവധി തവണ പരാതികൾ ഉണ്ടായിട്ടുള്ളതാണ്.