weather updates: താപനില വർദ്ധിക്കുന്നു; മലപ്പുറത്ത് യുവാവിന് സൂര്യാഘാതമേറ്റു,

 സംസ്ഥാനത്ത് താപനില വർദ്ധിക്കുന്നു. എടക്കരയിൽ യുവാവിന് സൂര്യാഘാതമേറ്റു. പോസ്റ്റ് ഓഫീസിന് സമീപം ചോയ്സ് സ്റ്റിക്കർ വർക് ഉടമ കൊങ്ങോത്ത് നിസാറിനാണ് സൂര്യാഘാതമേറ്റത്.സംസ്ഥാനത്ത് ചൂട് കഠിനമാകുന്ന പശ്ചാത്തലത്തിൽ കാലാവസ്ഥാ വകുപ്പ് ജാഗ്രതാ നിർദ്ദേശം പുറപ്പെടുവിച്ചു. കോട്ടയത്ത് 38 ഡിഗ്രി സെൽഷ്യസ് ചൂട് രേഖപ്പെടുത്തി. അതേസമയം പാലക്കാട് 40 ഡിഗ്രിയാണ് ചൂട് ഏറ്റവും കുറവ് അനുഭവപ്പെട്ടത് തിരുവനന്തപുരത്താണ് 36 ഡിഗ്രി സെൽഷ്യസ്.

നിലവിലെ സാഹചര്യം പരിഗണിച്ച് വിവിധ ജില്ലകളിൽ ഓറഞ്ച്, യെല്ലോ അലർട്ടുകൾ പ്രഖ്യാപിച്ചു. 

കോന്നി (പത്തനംതിട്ട), മൂന്നാർ (ഇടുക്കി), തൃത്താല (പാലക്കാട്), പൊന്നാനി (മലപ്പുറം) എന്നിവിടങ്ങളിൽ ഓറഞ്ച് അലർട്ട് പ്രഖ്യാപിച്ചു. കൊട്ടാരക്കര (കൊല്ലം), ചെങ്ങന്നൂർ (ആലപ്പുഴ), ചങ്ങനാശ്ശേരി (കോട്ടയം), കളമശേരി (എറണാകുളം), ഒല്ലൂർ (തൃശ്ശൂർ), ബേപ്പൂർ (കോഴിക്കോട്), മാനന്തവാടി (വയനാട്) എന്നിവിടങ്ങളിൽ യെല്ലോ അലർട്ടാണ്.ചൂട് അസഹനീയമായി തുടരുന്നതിനാൽ സൂര്യാതപം ഉൾപ്പെടെയുള്ള ആരോഗ്യപ്രശ്നങ്ങൾ ഒഴിവാക്കാൻ പൊതുജനങ്ങൾ ജാഗ്രത പാലിക്കണമെന്ന് അധികൃതർ അറിയിച്ചു.