കൊച്ചി: പല ബാങ്കുകളിലായി അക്കൗണ്ടുകൾ എടുത്തിട്ട് ഉപയോഗിക്കാതെ ഇടുന്നവർ ശ്രദ്ധിക്കുക. തുടർച്ചയായി 2 വർഷം ഇടപാട് നടത്താത്ത ബാങ്ക് അക്കൗണ്ടുകൾ 'ഡോർമന്റ്' ആയി മാറും. ഇതോടെ ആ അക്കൗണ്ടിൽ നിന്ന് പണം പിൻവലിക്കാനോ നിക്ഷേപിക്കാനോ കഴിയില്ല.
നിഷ്ക്രിയം vs ഡോർമന്റ്: വ്യത്യാസം എന്ത്? 12 മാസം ഇടപാടില്ല: അക്കൗണ്ട് 'ഇൻആക്ടീവ്' അഥവാ നിഷ്ക്രിയ അക്കൗണ്ട് ആകും. 24 മാസം ഇടപാടില്ല: അക്കൗണ്ട് 'ഡോർമന്റ്' ആകും.നിഷ്ക്രിയ അക്കൗണ്ട് ഒരു ഇടപാട് നടത്തിയാൽ വീണ്ടും സജീവമാകും. ഇന്റർനെറ്റ് ബാങ്കിംഗ്, കസ്റ്റമർ കെയർ, അല്ലെങ്കിൽ ബ്രാഞ്ചിൽ നേരിട്ട് ചെന്നും ഇത് സജീവമാക്കാം. എന്നാൽ ഡോർമന്റ് അക്കൗണ്ടിൽ ഒരു ഇടപാടും നടക്കില്ല. ചെക്ക്, എടിഎം കാർഡ്, നെറ്റ് ബാങ്കിംഗ്, മൊബൈൽ ബാങ്കിംഗ് എന്നിവയൊന്നും പ്രവർത്തിക്കില്ല. ബാങ്കിൽ നേരിട്ട് അപേക്ഷ നൽകി KYC പൂർത്തിയാക്കിയ ശേഷമേ ഡോർമന്റ് അക്കൗണ്ട് സജീവമാക്കാൻ കഴിയൂ.
പണം സുരക്ഷിതമാണോ? അക്കൗണ്ട് ഡോർമന്റ് ആയാലും അതിലെ പണം പൂർണമായും സുരക്ഷിതമാണ്. അക്കൗണ്ട് വീണ്ടും സജീവമാക്കിയ ശേഷം എപ്പോൾ വേണമെങ്കിലും പണം പിൻവലിക്കാം.
RBI നിർദ്ദേശം: അക്കൗണ്ടുകൾ ദീർഘകാലം ഉപയോഗിക്കാതിരിക്കുന്നത് തട്ടിപ്പുകൾക്ക് കാരണമാകും. അതിനാൽ ഉപയോഗിക്കാത്ത അക്കൗണ്ടുകൾ ക്ലോസ് ചെയ്യുന്നതാണ് നല്ലത്.
