വാഴൂർ: പരിസ്ഥിതി ദിനാചരണത്തിന്റെ ഭാഗമായി ക്ലീൻ കേരള കമ്പനിയുടെ നേതൃത്വത്തിൽ വാഴൂർ ഗവ. ഹൈസ്കൂളിൽ മാലിന്യ സംസ്കരണ ബോധവത്കരണ ക്ലാസ് സംഘടിപ്പിച്ചു.ഒരു മാസം നീണ്ടുനിൽക്കുന്ന പരിസ്ഥിതി സംരക്ഷണ പ്രവർത്തനങ്ങളുടെ ഭാഗമായാണ് ക്ലാസ്. വിദ്യാർത്ഥികളിൽ ഉറവിട തല മാലിന്യ വേർതിരിക്കൽ, പുനരുപയോഗം, പുനഃചംക്രമണം എന്നിവയെക്കുറിച്ച് അവബോധം വളർത്തുകയായിരുന്നു ലക്ഷ്യം.
ക്ലീൻ കേരള കമ്പനി സെക്ടർ കോ-ഓർഡിനേറ്റർ അൻഷാദ് ഇസ്മായിൽ ക്ലാസിന് നേതൃത്വം നൽകി.തുടർന്ന് സ്കൂളിലെ ജൂനിയർ റെഡ് ക്രോസ് കേഡറ്റുകൾ വാഴൂർ ബ്ലോക്ക് പഞ്ചായത്തിലെ റിസോഴ്സ് റിക്കവറി ഫെസിലിറ്റി സന്ദർശിച്ചു. പ്ലാസ്റ്റിക് ഉൾപ്പെടെയുള്ള അജൈവ മാലിന്യങ്ങളുടെ വേർതിരിക്കൽ, ബെയിലിങ്, സംഭരണം എന്നിവ നേരിൽ കണ്ട് വിദ്യാർത്ഥികൾ മനസ്സിലാക്കി.ശ്രീജിത് എം എസ് സ്വാഗതവും പ്രീതി മോൾ ടി.പി നന്ദിയും രേഖപ്പെടുത്തി. പരിസ്ഥിതി സംരക്ഷണത്തിൽ വിദ്യാർത്ഥികളുടെ ഉത്തരവാദിത്തബോധം വർധിപ്പിക്കാൻ പരിപാടി സഹായകമായതായി സംഘാടകർ അറിയിച്ചു.
