തിരുവനന്തപുരം: ലോട്ടറി തൊഴിലാളികള്ക്ക് നല്കിയ വാക്ക് പാലിച്ച് മുഖ്യമന്ത്രി. ഓണം ഉത്സവബത്തയില് 1000 രൂപയുടെ വര്ധനവ് പ്രഖ്യാപിച്ചു. കേരള സംസ്ഥാന ഭാഗ്യക്കുറി ഏജന്റുമാര്ക്കും വില്പ്പനക്കാര്ക്കും ഓണം ഉത്സവ ബത്തയായി 8500 രൂപയും പെന്ഷന്കാര്ക്ക് 3750 രൂപയുമാണ് ഇത്തവണ അനുവദിച്ചത്.
മുന് വര്ഷത്തേക്കാള് 1000 രൂപ വീതമാണ് ഏജന്റുമാര്ക്കും വില്പനക്കാര്ക്കും പെന്ഷന്കാര്ക്കും വര്ധിപ്പിച്ച് നല്കിയത്. ഇതിനായി 26,47,11,250 രൂപ സര്ക്കാര് അനുവദിച്ചു. പുതുയുഗ യാത്രയില് ലോട്ടറി തൊഴിലാളികള്ക്ക് നല്കിയ വാഗ്ദാനമാണ് മുഖ്യമന്ത്രി പാലിച്ചത്.
ചരിത്രത്തില് ആദ്യമായാണ് ഏജന്റുമാര്ക്കും പെന്ഷന്കാര്ക്കും ഒരേ പോലെ തുക വര്ധിപ്പിക്കുന്നത്. ലോട്ടറി ക്ഷേമനിധി ബോര്ഡിലെ 26980 സജീവ അംഗങ്ങള്ക്കും 9345 പെന്ഷന്കാര്ക്കും ഈ ആനുകൂല്യം ലഭിക്കും. ഓണക്കാലത്ത് കുടുംബങ്ങള്ക്ക് വലിയ ആശ്വാസമാകും ഈ തീരുമാനം.
ലോട്ടറി മേഖലയിലെ തൊഴിലാളികളുടെ ജീവിതനിലവാരം ഉയര്ത്താനുള്ള സര്ക്കാരിന്റെ പ്രതിജ്ഞാബദ്ധതയുടെ ഭാഗമാണ് ഈ പ്രഖ്യാപനമെന്ന് മുഖ്യമന്ത്രി പറഞ്ഞു.
