കേരളത്തില് പലയിടത്തും അപ്രതീക്ഷിത മഴ. ഇടിയോടു കൂടിയ മഴയാണ് പലയിടത്തും ലഭിച്ചത്.സംസ്ഥാനത്ത് വരും മണിക്കൂറുകളില് ഒറ്റപ്പെട്ട മഴയ്ക്ക് സാധ്യതയുണ്ടെന്നാണ് കാലാവസ്ഥ വകുപ്പ് അറിയിക്കുന്നത്.ആഗോള കാലാവസ്ഥ പ്രതിഭാസമായ 'മാഡന് ജൂലിയന് ഓസിലേഷന്' ആണ് മഴയ്ക്ക് കാരണം. ഇന്ത്യന് മഹാസമുദ്രത്തിന്റെ വടക്ക് ഭാഗത്തുനിന്ന് ആരംഭിച്ച് പസഫിക്, അറ്റ്ലാന്റിക് സമുദ്രങ്ങളുടെ ഭൂമധ്യരേഖയ്ക്കടുത്തുള്ള ഭാഗങ്ങളിലേക്ക് സഞ്ചരിച്ചെത്തുന്ന തുടര് പ്രതിഭാസമാണ് മാഡന് ജൂലിയന് ഓസിലേഷന്.
കോട്ടയം ജില്ലയിലെ വിവിധ പ്രദേശങ്ങളിൽ ശക്തമായ മഴ പെയ്തു . പാമ്പാടി ,വാഴൂര് ,കൊടുങ്ങൂര്, ചാമംപതാൽ തുടങ്ങിയ പ്രദേശങ്ങളിൽ പെയ്ത മഴയിൽ പല പ്രദേശത്തും ചെറിയതോതിലുള്ള വെള്ളക്കെട്ട് രൂപപ്പെട്ടു.എന്തായാലും ശക്തമായ ചൂടിനെ പ്രതിരോധിച്ച് മഴപെയ്തതിൽ ആശ്വാസം കണ്ടെത്തുകയാണ് ജനങ്ങൾ. തിരുവനന്തപുരത്ത് യെല്ലോ അലേർട്ടും മറ്റ് ജില്ലകളിൽ ഗ്രീൻ അലേർട്ടുമാണ്.
 |
| Group56 |
