news update kottayam: കോട്ടയം കുമരകത്ത് തടികൊണ്ടു നിർ‌മ്മിച്ച വില്ല പൂർണമായി കത്തി നശിച്ചു

 പള്ളിച്ചിറയ്ക്ക് സമീപമുണ്ടായ തീപിടിത്തത്തിൽ തടികൊണ്ടു നിർ‌മ്മിച്ച വീട് പൂർണമായി കത്തി നശിച്ചു. ശനിയാഴ്ച രാത്രിയാണ് തീപിടിത്തമുണ്ടായതയ്. അഗ്നിരക്ഷാ സേനയുടെ അഞ്ചു യുണീറ്റുകള്‍ എത്തിയാണ് തീയണച്ചത്. സമീപത്തുണ്ടായിരുന്ന മറ്റ് മൂന്ന് വില്ലകളിലേക്കു പടരാതിരുന്നതിനാൽ ഒഴിവായത് വൻ ദുരന്തം.

ഒരു കോടിയിലേറെ രൂപ ചെലവഴിച്ചു നിർമിച്ച വില്ല പൂർണമായും നശിച്ചു. ആൾപ്പാർപ്പില്ലാത്തതിനാൽ മറ്റ് അപകടങ്ങള്‍ ഉണ്ടായില്ല. ചൈന, മലേഷ്യ എന്നിവിടങ്ങളിൽ നിന്നു പണിതു കൊണ്ടു വന്ന തടി ഉപയോഗിച്ചായിരുന്നു വില്ലയുടെ നിർമാണം. ആദ്യ ഘട്ടത്തിൽ ചൈനയിൽ നിന്ന് പണിക്കാർ എത്തിയിരുന്നു.

കഴിഞ്ഞ 8ന് ഇവിടത്തെ പുൽപ്പടർപ്പിനു തീ പിടിച്ചിരുന്നു. അന്ന് അഗ്നിരക്ഷാസേന എത്തുന്നതിനു മുൻപു തന്നെ നാട്ടുകാർ തീ അണച്ചിരുന്നു. വില്ലയ്ക്കു തീ പിടിച്ചതിനെക്കുറിച്ച് അന്വേഷണം ആവശ്യപ്പെട്ട് വില്ലകളുടെ കെയർടേക്കർ ദുബായ് ഹോട്ടൽ ഉടമ ഷാജി തയ്യില്‍ പൊലീസിൽ പരാതി നൽകി.

 

Group63