വാഴൂർ: വാഴൂർ ഗ്രാമപഞ്ചായത്തിന്റെ 11, 12 വാർഡ് മെമ്പർമാരുടെ വാർഡിലൂടെ കടന്നുപോകുന്ന വെള്ളറപ്പള്ളി- മങ്ങാട്ട് റോഡ് സഞ്ചാരയോഗ്യമല്ലാതെ കിടക്കുകയായിരുന്നു. നിരവധി തവണ റോഡ് റീ ടാർ ചെയ്തു തരണമെന്ന് നാട്ടുകാർ ജില്ല- ബ്ലോക്ക് മെമ്പർമാരോട് ആവശ്യപ്പെട്ടിട്ടും നടപടി ഉണ്ടായില്ല. തുടർന്ന് വാർഡ് മെമ്പർമാരെ സമീപിച്ചു. തുടർന്നാണ് എൻ ജയരാജ് എംഎൽഎയുടെ ആസ്തി വികസന ഫണ്ടിൽ നിന്നും 10 ലക്ഷം രൂപയും, 11, 12 വാർഡ് മെമ്പർമാരുടെ ഫണ്ടിൽനിന്ന് 4 ലക്ഷം രൂപയും ചേർത്ത് 14 ലക്ഷം രൂപയ്ക്ക് റീ ടാർ ചെയ്തു സഞ്ചാരയോഗ്യമാക്കി.
നിരവധി ആളുകൾ യാത്ര ചെയ്യുന്നതും ഗ്രാമപഞ്ചായത്തിന്റെ അതിർത്തിയിലൂടെ കടന്നുപോകുന്നതുമായ വെള്ളറപ്പള്ളി- മങ്ങാട്ട് റോഡ് , വാർഡ് മെമ്പർമാരായ ഷാനിദാ അഷറഫും, ഡെൽമ ജോർജും 2 ലക്ഷം രൂപ വീതം ചേർത്ത് 4 ലക്ഷം രൂപയ്ക്ക് 2022-2023 കാലയളവിൽ കോൺക്രീറ്റ് ചെയ്തിരുന്നു.
