weather updates kerala: വരുംദിവസങ്ങളിൽ ചൂട് കൂടുമെന്ന് കാലാവസ്ഥാ വകുപ്പ് മുന്നറിയിപ്പ്

 സംസ്ഥാനത്ത് വരുംദിവസങ്ങളിൽ ചൂട് കൂടുമെന്ന് കാലാവസ്ഥാ വിദഗ്ധരുടെ മുന്നറിയിപ്പ്. രാത്രിയും പുലർച്ചെയും തണുപ്പും പകൽ കഠിനമായ ചൂടും അനുഭവപ്പെടുന്ന കാലാവസ്ഥയാണ് ഇപ്പോൾ നിലവിലുള്ളത്. സാധാരണ ലഭിക്കേണ്ടതിനേക്കാൾ 2 മുതൽ 4 ഡിഗ്രി സെൽഷ്യസ് വരെ അധികം ചൂടാണ് കഴിഞ്ഞ ദിവസങ്ങളിൽ പലയിടത്തും രേഖപ്പെടുത്തിയത്.

പകൽ 11 am മുതല്‍ 3 pm വരെയുള്ള സമയത്ത് നേരിട്ട് ശരീരത്തിൽ കൂടുതൽ സമയം തുടർച്ചയായി സൂര്യപ്രകാശം ഏൽക്കുന്നത് ഒഴിവാക്കുക. പരമാവധി ശുദ്ധജലം കുടിക്കുക. ദാഹമില്ലെങ്കിലും വെള്ളം കുടിക്കുന്നത് തുടരുക.