വാഴൂർ: ജനഹൃദയങ്ങളിൽ ആവേശപ്പെരുമഴ പെയ്യിച്ച് കാഞ്ഞിരപ്പള്ളി മണ്ഡലം എൻഡിഎ സ്ഥാനാർഥി ജോർജ് കുര്യന്റെ പഞ്ചായത്ത് തല മണ്ഡലം പര്യടനം പൂർത്തിയായി. വാഴൂർ, പളളിക്കത്തോട് പഞ്ചായത്തുകളിൽ ഇന്ന് നടന്ന പര്യടനത്തിനു വോട്ടർമാർ ഹൃദ്യമായ വരവേൽപ്പാണ് ഒരുക്കിയത്. ബിജെപിയുടെ സ്ഥാപക ദിനമായിരുന്ന ഇന്ന് സന്ദേശം നൽകിയ ശേഷമായിരുന്നു ജോർജ് കുര്യന്റെ പര്യടനത്തിനു തുടക്കമായത്.
വാഴൂർ ബിജെപി ഓഫീസിൽ പതാക ഉയർത്തുകയും ചെയ്തു. ലോകത്തിലെ ഏറ്റവും വലിയ രാഷ്ട്രീയ പ്രസ്ഥാനമായ ഭാരതീയ ജനതപാർട്ടിക്ക് ഒപ്പം സ്ഥാപിത ദിനത്തിൽ വികസിത കാഞ്ഞിരപ്പള്ളിക്കായി അണി ചേരാം എന്നും അദ്ദേഹം ജനങ്ങളോട് അഭ്യർത്ഥിച്ചു.
കാഞ്ഞിരപ്പള്ളി ഗവ.താലൂക്ക് ആശുപത്രിയിൽ അടിസ്ഥാന സൗകര്യവികസനം എത്തിക്കാത്തത് ഗൗരവവമായി കാണുന്നതായും അദ്ദേഹം പറഞ്ഞു.
മണ്ഡലത്തിലുടനീളം പര്യടനം നടത്തിയ എൻ.ഡി.എ സ്ഥാനാർഥി ജോർജ് കുര്യന് എല്ലാ കേന്ദ്രങ്ങളിൽ നിന്നും ലഭിച്ചത് ഉൗഷ്മള വരവേൽപ്പായിരുന്നു. കലാശക്കൊട്ടും ആവേശകരമായി പൂർത്തിയാക്കാനാണ് പ്രവർത്തകർ ഉദ്ദേശിക്കുന്നത്. പ്രചരണത്തിന്റെ ഭാഗമായി ഇന്ന് 18ൽ പരം കേന്ദ്രങ്ങളിൽ ഫ്ലാഷ് മൊബ്, യുവാക്കളുടെ നേതൃത്വത്തിൽ ബൈക്ക് റാലി എന്നിവയും നടത്തി.
