news updates: ചേർപ്പുങ്കലിലെ സ്വകാര്യ ആശുപത്രിയിലെ വനിത ഡോക്ടറെ ഹോസ്റ്റലിൽ മരിച്ച നിലയിൽ കണ്ടെത്തി

 ചേർപ്പുങ്കലിലെ സ്വകാര്യ ആശുപത്രിയിലെ വനിത ഡോക്ടറെ ഹോസ്റ്റലിൽ മരിച്ച നിലയിൽ കണ്ടെത്തി.പത്തനംതിട്ട ഉള്ളന്നൂർ പാറയിരുക്കുന്നതിൽ പടിഞ്ഞാറ്റേതിൽ സുബിൻ പി. വർഗീസിന്റെ ഭാര്യ ഷേബ റേയ്ച്ചൽ  (ലക്ഷ്മി ആർ പണിക്കർ - 30 ) ആണ് മരിച്ചത്. ചേർപ്പുങ്കൽ മാർ സ്ലീവ ആശുപത്രിയിലെ ഡോക്ടറായിരുന്നു.ഷേബ താമസിക്കുന്ന കെഴുവംകുളത്തെ ഹോസ്റ്റലിൽ തൂങ്ങി മരിച്ച നിലയിലാണ് കണ്ടെത്തിയത്. 

ഹോസ്റ്റൽ മുറി അകത്തു നിന്ന് കുറ്റിയിട്ട നിലയിലായിരുന്നു.  ആത്മഹത്യ ആകാം എന്നു പോലീസ് സംശയിക്കുന്നു.സംഭവത്തിൽ പൊലീസ് അന്വേഷണം തുടങ്ങി.കോന്നി ഇ.എം.എസ് ചാരിറ്റബിൾ സൊസൈറ്റി ഭരണസമിതി അംഗം വി രംഗനാഥിന്റെയും റിട്ട. തഹസീൽദാർ സതിയമ്മയുടെയും മകളാണ് ഡോ. ഷേബ ( ലക്ഷ്മി ആർ പണിക്കർ )

ഭൗതിക ശരീരം ഏപ്രിൽ 20 തിങ്കൾ രാവിലെ 8.30 ന് പത്തനംതിട്ട വലഞ്ചുഴിയിലുള്ള സ്വന്തം വീട്ടിൽ കൊണ്ടുവരും. തുടർന്ന് 9.45 ന് കുളനട യിലുള്ള ഭർതൃ വസതിയിലേക്ക് കൊണ്ടുപോകും.