vazhoor news updates: ഇഴജന്തുക്കളെ പേടിച്ച് കാൽനട യാത്രക്കാർ ജീവൻ പണയം വെച്ച് യാത്ര; വാഴൂര് ഈ ഡിവൈഡറും പാതയോരവും

 വാഴൂർ: കൊല്ലം - തേനി ദേശീയപാത 183 കടന്നുപോകുന്ന കോട്ടയം മുതൽ മുണ്ടക്കയം വരെയുള്ള ഭാഗത്ത് കൊടും വളവുകളിൽ ഉൾപ്പെടെ കാടുകയറിയ നിലയിലാണ്. വാഴൂർ പതിനഞ്ചാം മൈലിൽ കൊടുംവളവിൽ സ്ഥാപിച്ചിരിക്കുന്ന ഡിവൈഡർ കാട് കയറി വാഹനയാത്രികർക്ക് കാണാൻ കഴിയാത്ത സ്ഥിതിയാണ്.  വേനൽ കടുത്തതോടെ പാമ്പുകളുടെ ശല്യം രൂക്ഷമായ സാഹചര്യത്തിൽ കാൽനടയാത്രക്കാർ ഇതുവഴി ജീവൻ പണയം വെച്ചാണ് നടന്നു പോകുന്നത്. 

കോട്ടയം ഭാഗത്തുനിന്ന് വരുന്ന മിക്ക വാഹനങ്ങൾക്കും,  ഡിവൈഡർ  കാണാൻ സാധിക്കാത്തതിനാൽ  ദിശ മാറി കയറി വരുന്നതിനാൽ അപകടസാധ്യത കൂടുതലാണെന്നും സമീപവാസികൾ പറഞ്ഞു. പുളിക്കൽ കവലയ്ക്കും കൊടുങ്ങൂരിനും ഇടയിൽ നിരവധി അപകട സാധ്യതയുള്ള വളവുകളാണ് ഉള്ളത്.  ഈ വളവുകളുടെ സൈഡുകളിൽ കാടുകൾ നിൽക്കുന്നത് വാഹനങ്ങൾക്കും, രാത്രിയിൽ യാത്ര ചെയ്യുന്ന കാൽനടക്കാർക്കും ആണ് ഏറെ ദുരിതമാകുന്നത്.