Vazhoor24x7 | 2026 ജൂൺ 15, l By: SVG
'കോട്ടയത്തെ ആസ്ഥാനം മാറ്റില്ല, കർഷക സഹായം പ്രഥമ ലക്ഷ്യം'
ന്യൂഡൽഹി/കോട്ടയം: റബർ ബോർഡിന്റെ പുതിയ ചെയർമാനായി കോട്ടയം ബി.ജെ.പി. മേഖല പ്രസിഡന്റും നിലവിൽ ബോർഡ് അംഗവുമായ എൻ. ഹരിയെ കേന്ദ്ര സർക്കാർ നിയമിച്ചു. ഇതുമായി ബന്ധപ്പെട്ട ഔദ്യോഗിക ഉത്തരവ് കേന്ദ്രം ഇറക്കി.നിയമനത്തിന് പിന്നാലെ സംസാരിച്ച എൻ. ഹരി, റബർ ബോർഡ് ആസ്ഥാനം കോട്ടയത്ത് നിന്ന് മാറ്റില്ലെന്ന് വ്യക്തമാക്കി.
റബറിന്റെ അനന്ത സാധ്യതകൾ ഉപയോഗപ്പെടുത്തുന്നതും കർഷകരുമായി ബന്ധപ്പെട്ട വിഷയങ്ങൾ പരിഹരിക്കുന്നതുമായിരിക്കും മുൻഗണനയെന്ന് അദ്ദേഹം പറഞ്ഞു.കർഷകർക്ക് എല്ലാ സഹായവും ഉറപ്പാക്കുകയാണ് തന്റെ പ്രഥമ ലക്ഷ്യമെന്ന് ഹരി കൂട്ടിച്ചേർത്തു. റബർ ബോർഡ് ചെയർമാൻ സ്ഥാനം കേരളത്തിന് നൽകിയത് കേന്ദ്രത്തിന്റെ അംഗീകാരമാണെന്നും അദ്ദേഹം പറഞ്ഞു. നിയമനം രാഷ്ട്രീയ അടിസ്ഥാനത്തിലുള്ളതാണെന്നുള്ള ആരോപണങ്ങൾ അടിസ്ഥാനരഹിതമാണെന്നും എൻ. ഹരി പ്രതികരിച്ചു.
