അർജുൻ ആയങ്കിക്കെതിരെ കാപ്പ ചുമത്തും: പിന്തുണച്ചവർക്കെതിരെയും നടപടി - എ.ഡി.ജി.പി

തിരുവനന്തപുരം: പൊലീസിനെ ഭീഷണിപ്പെടുത്തിയ കേസിൽ അറസ്റ്റിലായ അർജുൻ ആയങ്കിക്കെതിരെ കാപ്പ ഉൾപ്പെടെയുള്ള വകുപ്പുകൾ ചുമത്തുന്നത് പരിശോധിക്കുമെന്ന് സംസ്ഥാന ക്രമസമാധാന ചുമതലയുള്ള എ.ഡി.ജി.പി പി. വിജയൻ അറിയിച്ചു. സാമൂഹ്യമാധ്യമങ്ങളിൽ അർജുൻ ആയങ്കി നടത്തിയത് കേവലം ഷോ മാത്രമാണെന്ന് എ.ഡി.ജി.പി പറഞ്ഞു. ഒളിവിലിരുന്ന് പൊലീസിനെ വെല്ലുവിളിച്ച് ഇയാൾ പങ്കുവെച്ച പോസ്റ്റുകൾക്ക് പിന്തുണ അറിയിക്കുകയും കമന്റുകൾ ഇടുകയും ചെയ്ത വ്യക്തികൾക്കെതിരെയും കർശന അന്വേഷണവും നിയമനടപടികളും ഉണ്ടാകുമെന്ന് അദ്ദേഹം മുന്നറിയിപ്പ് നൽകി. ഇത്തരം പ്രവൃത്തികൾക്ക് കൂട്ടുനിൽക്കുന്നവരെയും തേടി പൊലീസ് എത്തുമെന്ന് അധികൃതർ വ്യക്തമാക്കി. അതേസമയം സംസ്ഥാനത്ത് ഗുണ്ടകൾക്കെതിരെ പൊലീസ് ആരംഭിച്ച ഓപ്പറേഷൻ ഗ്രിപ്പ് മാരത്തോൺ ശക്തമായി തുടരുകയാണ്.