സോഷ്യൽ മീഡിയയിലെ 'ലൈക്കുകൾക്കും' 'കാഴ്ചക്കാർക്കും' വേണ്ടി സ്വന്തം ജീവൻ പണയം വെച്ചുകൊണ്ട് ഉരുൾപൊട്ടൽ മേഖലകളിലേക്ക് പാഞ്ഞടുക്കുന്ന റീൽസ് പ്രേമികൾ ദുരന്തമുഖങ്ങളിൽ വൻ ആശങ്കയാണ് സൃഷ്ടിക്കുന്നത്. കോട്ടയം, ഇടുക്കി ജില്ലകളിലെ മലയോര മേഖലകളിൽ പെട്ട പൂഞ്ഞാർ, മുണ്ടക്കയം, കുട്ടിക്കാനം, പുല്ലുപാറ, വാഗമൺ, ഉപ്പുതറ തുടങ്ങിയ സ്ഥലങ്ങളിൽ മണ്ണിടിച്ചിലും പാറക്കല്ലുകൾ വീണും വൻ അപകടസാധ്യത നിലനിൽക്കെയാണ്, സുരക്ഷാ മുന്നറിയിപ്പുകൾ കാറ്റിൽപ്പറത്തി റീൽസ് സംഘങ്ങൾ ഇവിടങ്ങളിലേക്ക് ഇടിച്ചുകയറുന്നത്. ഏതുനിമിഷവും വീണ്ടും ദുരന്തമുണ്ടാകാം എന്നറിഞ്ഞിട്ടും, റീൽസ് വീഡിയോകൾ ആദ്യം പകർത്തി സോഷ്യൽ മീഡിയയിൽ തരംഗമാക്കാനുള്ള മത്സരത്തിലാണ് ഇവർ.
രക്ഷാപ്രവർത്തകരും പോലീസും നാട്ടുകാരും ജീവൻ തൃണവൽഗണിച്ച് ഗതാഗതം പുനഃസ്ഥാപിക്കാനും ആളുകളെ രക്ഷിക്കാനും തീവ്രശ്രമം നടത്തുമ്പോൾ, റീൽസ് എടുക്കാനായി എത്തുന്നവരുടെ തിരക്കും വാഹനങ്ങൾ നിർത്തിയിടുന്നതും കടുത്ത തടസ്സമാണ് ഉണ്ടാക്കുന്നത്. അടിയന്തര വാഹനങ്ങൾക്ക് വഴിയൊരുക്കാൻ പോലും കഴിയാത്ത വിധം ദുരന്തഭൂമിയിൽ തടിച്ചുകൂടുന്ന ഈ സംഘങ്ങളെ നിയന്ത്രിക്കാൻ മാത്രം പോലീസിന് പ്രത്യേകമായി സമയം കണ്ടെത്തേണ്ടിവരുന്നു.
ഏറ്റവും വലിയ വിരോധാഭാസം എന്തെന്നാൽ, "പ്രിയപ്പെട്ടവരെ, ആരും ഇങ്ങോട്ട് വരരുത്! ഈ സ്ഥലം അതീവ അപകടകരമാണ്" എന്ന് സോഷ്യൽ മീഡിയയിലൂടെ ഗൗരവത്തോടെ മുന്നറിയിപ്പ് നൽകാൻ വേണ്ടി മാത്രം, നിരോധിത മേഖലകളിലേക്ക് സ്വന്തം ജീവൻ പണയം വെച്ച് യാത്ര ചെയ്യുന്ന റീൽസ് പ്രേമികളുടെ എണ്ണം ദിവസേന വർധിക്കുന്നു എന്നതാണ്. യഥാർത്ഥത്തിൽ പൊതുജനങ്ങളെ ബോധവൽക്കരിക്കുകയോ സുരക്ഷിതരാക്കുകയോ അല്ല ഇവരുടെ ലക്ഷ്യം; മറിച്ച്, അപകടകരമായ ഒരു സാഹചര്യത്തിന്റെ ദൃശ്യങ്ങൾ ആരും കാണുന്നതിന് മുൻപ് പകർത്തി സോഷ്യൽ മീഡിയയിൽ ലൈവുകളും അപ്ഡേറ്റുകളും നൽകി വ്യൂസ് കൂട്ടുക എന്നതാണ്. "ഇവിടെ വരുന്നത് അപകടമാണ്" എന്ന് ക്യാമറയ്ക്ക് മുന്നിൽ വിളിച്ചു പറയുമ്പോഴും, തങ്ങൾ നിൽക്കുന്ന ആ സ്ഥലം തന്നെയാണ് ഏറ്റവും വലിയ അപകടകെണിയെന്ന് ഇക്കൂട്ടർ സൗകര്യപൂർവ്വം മറക്കുന്നു.
അധികൃതർ നിരോധിത പ്രദേശങ്ങളിൽ പ്രവേശിക്കുന്നത് നിയമപരമായി ശിക്ഷാർഹമാണെന്ന് ഓർമ്മിപ്പിച്ചു. രക്ഷാപ്രവർത്തനത്തിന് തടസ്സം നിൽക്കരുതെന്നും ജീവൻ വിലമതിക്കുന്നതാണെന്നും പോലീസ് അഭ്യർത്ഥിച്ചു.
സോഷ്യൽ മീഡിയയിലെ 'ലൈക്കുകൾക്കും' 'കാഴ്ചക്കാർക്കും' വേണ്ടി സ്വന്തം ജീവൻ പണയം വെച്ചുകൊണ്ട് ഉരുൾപൊട്ടൽ മേഖലകളിലേക്ക് പാഞ്ഞടുക്കുന്ന റീൽസ് പ്രേമികൾ ദുരന്തമുഖങ്ങളിൽ വൻ ആശങ്കയാണ് സൃഷ്ടിക്കുന്നത്. കോട്ടയം, ഇടുക്കി ജില്ലകളിലെ മലയോര മേഖലകളിൽ പെട്ട പൂഞ്ഞാർ, മുണ്ടക്കയം, കുട്ടിക്കാനം, പുല്ലുപാറ, വാഗമൺ, ഉപ്പുതറ തുടങ്ങിയ സ്ഥലങ്ങളിൽ മണ്ണിടിച്ചിലും പാറക്കല്ലുകൾ വീണും വൻ അപകടസാധ്യത നിലനിൽക്കെയാണ്, സുരക്ഷാ മുന്നറിയിപ്പുകൾ കാറ്റിൽപ്പറത്തി റീൽസ് സംഘങ്ങൾ ഇവിടങ്ങളിലേക്ക് ഇടിച്ചുകയറുന്നത്. ഏതുനിമിഷവും വീണ്ടും ദുരന്തമുണ്ടാകാം എന്നറിഞ്ഞിട്ടും, റീൽസ് വീഡിയോകൾ ആദ്യം പകർത്തി സോഷ്യൽ മീഡിയയിൽ തരംഗമാക്കാനുള്ള മത്സരത്തിലാണ് ഇവർ.
രക്ഷാപ്രവർത്തകരും പോലീസും നാട്ടുകാരും ജീവൻ തൃണവൽഗണിച്ച് ഗതാഗതം പുനഃസ്ഥാപിക്കാനും ആളുകളെ രക്ഷിക്കാനും തീവ്രശ്രമം നടത്തുമ്പോൾ, റീൽസ് എടുക്കാനായി എത്തുന്നവരുടെ തിരക്കും വാഹനങ്ങൾ നിർത്തിയിടുന്നതും കടുത്ത തടസ്സമാണ് ഉണ്ടാക്കുന്നത്. അടിയന്തര വാഹനങ്ങൾക്ക് വഴിയൊരുക്കാൻ പോലും കഴിയാത്ത വിധം ദുരന്തഭൂമിയിൽ തടിച്ചുകൂടുന്ന ഈ സംഘങ്ങളെ നിയന്ത്രിക്കാൻ മാത്രം പോലീസിന് പ്രത്യേകമായി സമയം കണ്ടെത്തേണ്ടിവരുന്നു.
ഏറ്റവും വലിയ വിരോധാഭാസം എന്തെന്നാൽ, "പ്രിയപ്പെട്ടവരെ, ആരും ഇങ്ങോട്ട് വരരുത്! ഈ സ്ഥലം അതീവ അപകടകരമാണ്" എന്ന് സോഷ്യൽ മീഡിയയിലൂടെ ഗൗരവത്തോടെ മുന്നറിയിപ്പ് നൽകാൻ വേണ്ടി മാത്രം, നിരോധിത മേഖലകളിലേക്ക് സ്വന്തം ജീവൻ പണയം വെച്ച് യാത്ര ചെയ്യുന്ന റീൽസ് പ്രേമികളുടെ എണ്ണം ദിവസേന വർധിക്കുന്നു എന്നതാണ്. യഥാർത്ഥത്തിൽ പൊതുജനങ്ങളെ ബോധവൽക്കരിക്കുകയോ സുരക്ഷിതരാക്കുകയോ അല്ല ഇവരുടെ ലക്ഷ്യം; മറിച്ച്, അപകടകരമായ ഒരു സാഹചര്യത്തിന്റെ ദൃശ്യങ്ങൾ ആരും കാണുന്നതിന് മുൻപ് പകർത്തി സോഷ്യൽ മീഡിയയിൽ ലൈവുകളും അപ്ഡേറ്റുകളും നൽകി വ്യൂസ് കൂട്ടുക എന്നതാണ്. "ഇവിടെ വരുന്നത് അപകടമാണ്" എന്ന് ക്യാമറയ്ക്ക് മുന്നിൽ വിളിച്ചു പറയുമ്പോഴും, തങ്ങൾ നിൽക്കുന്ന ആ സ്ഥലം തന്നെയാണ് ഏറ്റവും വലിയ അപകടകെണിയെന്ന് ഇക്കൂട്ടർ സൗകര്യപൂർവ്വം മറക്കുന്നു.
അധികൃതർ നിരോധിത പ്രദേശങ്ങളിൽ പ്രവേശിക്കുന്നത് നിയമപരമായി ശിക്ഷാർഹമാണെന്ന് ഓർമ്മിപ്പിച്ചു. രക്ഷാപ്രവർത്തനത്തിന് തടസ്സം നിൽക്കരുതെന്നും ജീവൻ വിലമതിക്കുന്നതാണെന്നും പോലീസ് അഭ്യർത്ഥിച്ചു.
