ചൂടിന് ശമനമായി സംസ്ഥാനത്ത് ഇന്ന് മുതല്‍ വേനല്‍ മഴയ്ക്ക് സാധ്യത. ഒറ്റപ്പെട്ടയിടങ്ങളില്‍ മഴയ്ക്ക് സാധ്യതയുണ്ടെന്നാണ് കേന്ദ്ര കാലാവസ്ഥ നിരീക്ഷണ കേന്ദ്രം അറിയിച്ചത്. തെക്കന്‍ കേരളത്തിലും മധ്യകേരളത്തിലുമാണ് മഴ പ്രതീക്ഷിക്കുന്നത്. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളിലാണ് ഇന്ന് മഴയ്ക്ക് സാധ്യത.
അടുത്ത അഞ്ച് ദിവസം ശക്തമായ മഴയ്ക്ക് സാധ്യതയുണ്ടെന്നാണ് അറിയിപ്പ്. ഈ ദിവസങ്ങളില്‍ താപനില അധികം ഉയരാന്‍ സാധ്യതയില്ലെന്നാണ് റിപ്പോര്‍ട്ടുകള്‍. അതേസമയം രാജ്യത്ത് ഏറ്റവും അധികം ചൂട് കോട്ടയത്താണ് രേഖപ്പെടുത്തിയത്. കഴിഞ്ഞ വ്യാഴാഴ്ച രേഖപ്പെടുത്തുന്നു 38.7 ഡിഗ്രി സെൽഷ്യസ്. താപനിലയിൽ നേരിയ വ്യത്യാസങ്ങൾ മാത്രമാണ് ഓരോ ദിവസവും ഉള്ളത്.വേനല്‍ മഴ വന്നില്ലെങ്കിൽ പല പ്രദേശങ്ങളിലും കുടിവെള്ളം രൂക്ഷമാവുകയും ചൂടും മൂലം ഉണ്ടാകുന്ന പ്രശ്നങ്ങൾക്ക് കാരണമാവുകയും ചെയ്യും
 |
| Group63 |
