വാഴൂർ: എ ഐ ടി യു സി കാഞ്ഞിരപ്പള്ളി നിയോജകമണ്ഡലം കമ്മിറ്റിയുടെ ആഭിമുഖ്യത്തിൽ മെയ്ദിന റാലി നടന്നു. വാഴൂർ ബിഎസ്എൻഎൽ എക്സ്ചേഞ്ചിന് സമീപത്തുനിന്നും ആരംഭിച്ച റാലി വിവിധ വാദ്യമേളങ്ങളുടെ അകമ്പടിയോടെ കൊടുങ്ങൂർ കവലയിൽ എത്തി. നൂറുകണക്കിന് പ്രവർത്തകർ പങ്കെടുത്ത റാലി എ ഐ ടി യു സി ജില്ലാ സെക്രട്ടറി ജോൺ വി ജോസഫ് ഉദ്ഘാടനം ചെയ്തു.
മണ്ഡലം പ്രസിഡൻറ് സിജോ പ്ലാന്തോട്ടം അധ്യക്ഷത വഹിച്ചു. മണ്ഡലം സെക്രട്ടറി അഡ്വ. എം എ ഷാജി സ്വാഗതം പറഞ്ഞു. സിപിഐ ജില്ലാ എക്സിക്യൂട്ടീവ് കമ്മിറ്റി അംഗങ്ങളായ മോഹൻ ചേന്നംകുളം, ഹേമലത പ്രേം സാഗർ, സിപിഐ മണ്ഡലം സെക്രട്ടറി ജ്യോതിലാൽ, സിപിഐ ജില്ലാ കമ്മിറ്റി അംഗം രാജൻ ചെറുകാപള്ളി, സ്വാഗതസംഘം പ്രസിഡണ്ട് പി എം ജോൺ, തുടങ്ങി വിവിധ യൂണിയൻ നേതാക്കന്മാരും പ്രവർത്തകരും പങ്കെടുത്തു.
