അന്താരാഷ്ട്ര യോഗ ദിനം വാഴൂരിൽ ആഘോഷിച്ചു

 വാഴൂർ: അന്താരാഷ്ട്ര യോഗ ദിനം വാഴൂർ ഗ്രാമപഞ്ചായത്തും ഹോമിയോ ഡിസ്പെൻസറിയും സംയുക്തമായി ആഘോഷിച്ചു. പഞ്ചായത്ത് കമ്മ്യൂണിറ്റി ഹാളിൽ നടന്ന പരിപാടി ഗ്രാമപഞ്ചായത്ത് പ്രസിഡന്റ് എസ്. പുഷ്പല ദേവി ഉദ്ഘാടനം ചെയ്തു. വൈസ് പ്രസിഡന്റ് മനോജ് ചാക്കോ അധ്യക്ഷത വഹിച്ചു.ആരോഗ്യ സ്റ്റാൻഡിങ് കമ്മിറ്റി ചെയർപേഴ്സൺ പി.ജെ. ശോശാമ്മയും ഹോമിയോ ഡിസ്പെൻസറി മെഡിക്കൽ ഓഫീസർ സജിമോൻ പി.വൈയും യോഗാദിനാശംസകൾ നേർന്നു സംസാരിച്ചു.

 ഗ്രാമീണ തൊഴിലുറപ്പ് എ.ഇ. മഞ്ജുമോൾ യോഗാ ക്ലാസിന് നേതൃത്വം നൽകി. വാഴൂർ എസ്.വി.ആർ.എൻ.എസ്.എസ് കോളേജിലെ നാഷണൽ സർവീസ് സ്കീം യൂണിറ്റിലെ പ്രോഗ്രാം ഓഫീസറും വിദ്യാർത്ഥികളും യോഗപ്രദർശനം നടത്തി.ഗ്രാമപഞ്ചായത്ത് മെമ്പർമാർ, കുടുംബശ്രീ പ്രവർത്തകർ, ആശാവർക്കർമാർ, തൊഴിലുറപ്പ് മെന്റർമാർ എന്നിവർ പരിപാടിയിൽ പങ്കെടുത്തു.യോഗയുടെ പ്രാധാന്യവും ദിനചര്യയിൽ ഉൾപ്പെടുത്തേണ്ടതിന്റെ ആവശ്യകതയും പ്രസംഗങ്ങളിൽ ഉയർത്തിക്കാട്ടി.